جہلم میں پولیس نے جوئے کے اڈے پر چھاپہ مار کر پانچ قماربازوں کو رنگے ہاتھوں گرفتار کر لیا۔
تفصیلات کے مطابق جہلم میں ایس ایچ او تھانہ صدر اور ٹیم کی اہم کارروائی کرتے ہوئے جوئے کی بازی الٹ دی، پولیس نے پانچ قمار بازوں اکرام، ناصر خان، سرفراز خان، شیرگل خان اور غلام شبیر کو رنگے ہاتھوں گرفتار کر لیا۔
ملزمان کے قبضے سے داؤ پر لگی رقم 35,230 روپے، تین موبائل فون اور قماربازی کے آلات برآمد کیے گئے۔
ملزمان تاش کے ذریعے جواء کھیلنے میں ملوث پائے گئے، جن کے خلاف انسداد قمار بازی ایکٹ کے تحت مقدمہ درج کر لیا گیا ہے۔
پولیس کا کہنا ہے کہ ملزمان کے خلاف مزید قانونی کارروائی جاری ہے۔
