جہلم: ڈپٹی کمشنر جہلم میثم عباس نے سپورٹس کمپلیکس کچہری کا دورہ کیا اور تزئین و آرائش کے جاری کام کا تفصیلی جائزہ لیا۔
اس موقع پر انہوں نے متعلقہ حکام کو ہدایت کی کہ منصوبے کو جلد از جلد مکمل کیا جائے تاکہ شہریوں کو کھیلوں کی جدید اور معیاری سہولیات فراہم کی جا سکیں۔
ڈپٹی کمشنر نے کہا کہ سپورٹس کمپلیکس نوجوان کھلاڑیوں کے لیے ایک اہم مقام ہے جہاں وہ اپنی صلاحیتوں کو نکھار سکتے ہیں۔ انہوں نے اس بات پر زور دیا کہ کھیلوں کے فروغ کے لیے جدید سہولیات کی دستیابی ضروری ہے تاکہ ضلع جہلم کے کھلاڑی قومی اور بین الاقوامی سطح پر اپنی صلاحیتوں کا مظاہرہ کر سکیں۔
انہوں نے واضح کیا کہ تزئین و آرائش کے کام میں اعلیٰ معیار کے مٹیریل کے استعمال پر کوئی سمجھوتہ نہیں کیا جائے گا اور جلد ہی جدید ترین سپورٹس کمپلیکس شہریوں کے لیے مکمل طور پر فعال ہوگا۔
