نیشنل ڈیٹا بیس اینڈ رجسٹریشن اتھارٹی (نادرا) نے فیملی رجسٹریشن سرٹیفیکیٹ سے متعلق آسان سہولت عوام کو فرام کردی ہے۔
سوشل میڈیا پلیٹ فارم ایکس پر نادرا کی جانب سے فیملی رجسٹریشن سرٹیفیکیٹ حاصل کرنے کے مرحلے کو تفصیل کے ساتھ بتایا ہے تاکہ اس کا اجراء فوری اور آسان ہوسکے ۔
سرٹیفیکیٹ حاصل کرنے کے مراحل
ورثاء میں سے نامزد فرد کے لیے ضروری ہے کہ وہ قومی شناختی کارڈ، فوت ہونے والے فرد کا ڈیتھ سرٹیفکیٹ اور فیملی رجسٹریشن کے ساتھ درخواست جمع کرائے گا۔ فوت ہونے والے فرد کے ورثاء اور کُل اثاثہ جات کی مکمل تفصیلات نادار کو فراہم کرنا ہوگی۔
اثاثہ جات کی مکمل تفصیلات حاصل کرنے کے بعد فوت ہونے والے فرد کے اندرون اور بیرون ملک مقیم قانونی ورثاء کی جانب سے بیانِ حلفی جمع کرانا ہو گا اور بائیو میٹرک تصدیق کرانا لازمی ہوگی۔
فیملی رجسٹریشن سرٹیفیکیٹ حاصل کرنے کے لیے ورثاء کے لیے نادرا ویب سائٹ اور قومی اخبارات میں پبلک نونسٹز کی اشاعت کرانا لازمی ہوگی، پھر 15 دن بعد سرٹیفیکیٹ کا اجراء ہو جائے گا۔
نادرا کی جانب سے ایک اور شاندار سہولت
اب فیملی رجسٹریشن سرٹیفکیٹ بنوائیں پاک آئی ڈی موبائل
ایپ کے ساتھ
اس کے علاوہ
قومی شناختی کارڈ (این آئی سی) بنوانا ہو یا بیرون ملک پاکستانیوں کے لئے شناختی کارڈ (نائکوپ)
پاک آئی ڈی موبائل ایپ ڈاؤن لوڈ کریں
اور گھر بیٹھے، جب چاہیں، اپنی… pic.twitter.com/p4nNHC0Lyn
— NADRA (@NadraPak) November 8, 2023
واضح رہے کہ نادرا کی جانب سے اب تک 18000 سے زائد غیر قانونی شناختی کارڈز کی نشاندہی وتنسیخ کی جاچکی ہے۔
نادرا رپورٹ کے مطابق پراسیسنگ کے دوران والدین، رشتہ داروں کی بائیو میٹرک تصدیق کی جارہی ہے، نادرا ایس ایم ایس کے ذریعے خاندان کے سربراہ کو مطلع کیا جا رہا ہے۔
