سوہاوہ چکوال موڑ پر ٹویوٹا ہائی ایس کی ٹکر سے دو موٹر سائیکل سوار شدید زخمی ہو گئے۔
تفصیلات کے مطابق جہلم کی تحصیل سوہاوہ میں سوہاوہ چکوال موڑ پر ٹریفک حادثے میں دو موٹر سائیکل سوار شدید زخمی ہو گئے جنہیں فوری طور پر تحصیل ہیڈکوارٹر (ٹی ایچ کیو) ہسپتال سوہاوہ منتقل کر دیا گیا۔
عینی شاہدین کے مطابق ایک ٹویوٹا ہائی ایس مبینہ طور پر رانگ سائیڈ سے کوٹ دھمیک روڈ کی جانب جانے کی کوشش کر رہی تھی کہ اسی دوران اس کی ٹکر موٹر سائیکل سواروں سے ہو گئی۔ حادثہ اتنا شدید تھا کہ دونوں موٹر سائیکل سوار زخمی ہو کر سڑک پر گر پڑے۔
واقعے کی اطلاع ملتے ہی امدادی ٹیمیں موقع پر پہنچ گئیں اور زخمیوں کو ابتدائی طبی امداد فراہم کرنے کے بعد مزید علاج معالجے کے لیے ٹی ایچ کیو ہسپتال سوہاوہ منتقل کر دیا گیا۔
