جہلم چیمبر آف کامرس اینڈ انڈسٹری کے انتخابات میں سابق ایگزیکٹو ممبر اور جہلم بزنس الائنس گروپ کے نامزد امیدوار برائے ایسوسی ایٹ کلاس 2026-28 عبدالغفور بٹ کی حمایت میں معروف کاروباری و سماجی شخصیات کی جانب سے حمایت کا سلسلہ جاری ہے۔
اس سلسلے میں معروف سماجی و کاروباری شخصیت شہزاد وسیم ڈار نے اپنے ساتھیوں سمیت عبدالغفور بٹ کی بھرپور حمایت کا اعلان کر دیا۔ اس موقع پر شہزاد وسیم ڈار نے عبدالغفور بٹ کو خراجِ تحسین پیش کرتے ہوئے کہا کہ وہ صرف ایک کامیاب کاروباری شخصیت ہی نہیں بلکہ اپنے ساتھی تاجروں اور کاروباری برادری کے مسائل کو سمجھنے والے مخلص، باکردار اور فعال انسان ہیں۔
انہوں نے کہا کہ جہلم چیمبر آف کامرس میں عبدالغفور بٹ کی سابقہ خدمات اور کاروباری برادری کے ساتھ مسلسل رابطہ ان کی عملی صلاحیتوں کا واضح ثبوت ہے۔ انہوں نے ہمیشہ ذاتی مفاد کے بجائے اجتماعی مسائل کے حل اور کاروباری برادری کی بہتری کو ترجیح دی، یہی وجہ ہے کہ انہیں کاروباری حلقوں میں منفرد مقام اور اعتماد حاصل ہے۔
شہزاد وسیم ڈار نے کہا کہ عبدالغفور بٹ جیسے متحرک، باصلاحیت اور مخلص افراد ہی جہلم چیمبر آف کامرس کی آواز کو مزید مضبوط اور مؤثر بنا سکتے ہیں۔ ان کی کامیابی دراصل جہلم کی کاروباری برادری کی مضبوط اور مؤثر آواز کی کامیابی ہوگی۔
انہوں نے اپنے ساتھیوں سمیت عبدالغفور بٹ کی بھرپور حمایت کا اعلان کرتے ہوئے ان کے لیے نیک خواہشات کا اظہار کیا اور امید ظاہر کی کہ وہ کامیابی حاصل کرکے کاروباری برادری کی فلاح و بہبود، مسائل کے حل اور چیمبر کے کردار کو مزید مؤثر بنانے کے لیے اپنا بھرپور کردار ادا کریں گے۔
