جہلم میں روہتاس روڈ پر گدھا گاڑی الٹنے سے 53 سالہ شخص جاں بحق ہو گیا۔
تفصیلات کے مطابق جہلم میں روہتاس روڈ پر میانہ چک کے قریب گدھا گاڑی الٹنے کے باعث ایک 53 سالہ شخص اس کے نیچے آکر جاں بحق ہوگیا۔
ریسکیو 1122 کے مطابق حادثے کی اطلاع ملتے ہی ریسکیو ٹیم فوری طور پر جائے حادثہ پر پہنچ گئی اور ضروری کارروائی مکمل کی۔
ریسکیو ٹیم نے جاں بحق شخص کی لاش اس کے گھر منتقل کردی۔
ریسکیو 1122 کے مطابق جاں بحق ہونے والے شخص کی شناخت مزار حسین ولد جام محمد کے نام سے ہوئی ہے۔
