جہلم: منشیات کیس میں جرم ثابت ہونے پر مجرم کو قید اور جرمانے کی سزا

جہلم میں منشیات کے مقدمے میں جرم ثابت ہونے پر عدالت نے مجرم جاوید اقبال کو سزا سنا دی۔

تفصیلات کے مطابق عدالت نے منشیات کے مقدمہ نمبر 148/25 بجرم CNSA 9(ii)5 تھانہ سول لائنز کا فیصلہ سناتے ہوئے جرم ثابت ہونے پر جاوید اقبال کو پانچ سال قید اور دو لاکھ روپے جرمانہ کی سزا دی۔

مجرم جاوید اقبال سال 2025 میں منشیات فروشی کے الزام میں گرفتار کیا گیا تھا۔ جہلم پولیس نے مجرم کو ٹریس کرکے گرفتار کیا اور ٹھوس شواہد کے ساتھ عدالت میں چالان کیا۔ مقدمے کی موثر پیروی کے نتیجے میں عدالت نے مجرم کو قرار واقعی سزا سنائی۔

ڈسٹرکٹ پولیس آفیسر جہلم طارق عزیز سندھو نے کہا کہ منشیات فروش معاشرے کا ناسور ہیں اور ان کے خاتمے کے لیے بھرپور آپریشن جاری رہے گا۔ ڈی پی او نے اپنی انوسٹیگیشن اور لیگل ٹیموں کو بہترین کارکردگی پر تعریفی سرٹیفکیٹ اور شاباش دی۔