ایک نئی تحقیق میں سائنس دانوں نے انڈے کھانے اور ڈیمنشیا کے خطرات میں کمی کے درمیان تعلق دریافت کیا ہے۔
آبادی کی بڑھتی عمر کے ساتھ الزائمر کا پھیلاؤ کے امکان کی وجہ سے تحقیق کے نتائج انتہائی اہم ہیں۔ محققین ڈیمینشیا سے نمٹنے کے لیے اس متعلق تحقیق جاری رکھے ہوئے ہیں کہ غذا اس بیماری کے خطرے کو کس طرح متاثر کر سکتی ہے۔
جرنل نیوٹریشن میں شائع ہونے والی تحقیق کے مطابق انڈے کی زردی میں پائے جانے والے زیادہ تر غذائی اجزاء کے ساتھ پورے انڈے کولین کا ایک بھرپور ذریعہ ہیں اور دماغی صحت کی بہتری کے لئے بشمول اومیگا -3 فیٹی ایسڈ ڈی ایچ اے اور لیوٹین کے مشہور دیگر غذائی اجزاء میں حصہ ڈالتے ہیں۔
مطالعے کے مطابق ہفتہ وار انڈوں کی کھپت (ہر ہفتے ایک انڈے سے زیادہ کا کھایا جانا) سے الزائمر ڈیمنشیا کے خطرے میں 47 فیصد کمی واقع ہوئی۔
تحقیق میں 1024 بوڑھے افراد نے حصہ لیا جن کی اوسط عمر 81 اعشاریہ 4 برس تھی۔ شرکاء نے اپنی غذائی عادات کو خود رپورٹ کیا اور تجزیے کے حصے کے طور پر دیگر غذائی عوامل کا حساب لیا۔6.7 سال کی اوسط فالو اپ مدت میں ، مطالعہ میں 280 شرکاء(27 اعشاریہ 3 فی صد) میں الزائمر ڈیمنشیا کی تشخیص کی گئی تھی۔
