جہلم: محکمہ تحفظ ماحولیات جہلم کے زیر اہتمام 16 مئی 2025 کو ایک پروقار تقریب میں "یومِ تشکر” منایا گیا، جس کا مقصد پاکستان آرمی کی بے مثال قربانیوں اور جرأت کو خراج تحسین پیش کرنا تھا۔
تقریب میں محکمہ کے افسران، عملے اور مختلف شعبہ ہائے زندگی سے تعلق رکھنے والے افراد نے شرکت کی۔ شرکاء نے قومی ترانہ پڑھ کر اور پرچم کو سلامی دے کر پاک فوج کے جوانوں سے یکجہتی کا اظہار کیا۔
تقریب سے خطاب کرتے ہوئے اسسٹنٹ ڈائریکٹر محکمہ تحفظ ماحولیات بابر عمران نے کہا کہ "پاک فوج نے ہر مشکل گھڑی میں وطن عزیز کا دفاع نہایت بہادری اور حب الوطنی کے جذبے سے کیا۔ ہماری افواج نے جس جواں مردی سے ملکی سرحدوں کی حفاظت کی، وہ ناقابلِ فراموش ہے۔”
انہوں نے مزید کہا کہ محکمہ تحفظ ماحولیات جہلم، پاک فوج کے ان سپاہیوں اور افسران کو سلام پیش کرتا ہے جنہوں نے اپنی جانوں کا نذرانہ دے کر قوم کو محفوظ بنایا۔ یہ یوم تشکر ہمارے ان ہیروز کے ساتھ اظہارِ یکجہتی اور شکریے کا دن ہے۔
تقریب کے اختتام پر دعا کی گئی کہ اللہ تعالیٰ پاکستان کو مزید ترقی، امن اور استحکام عطا فرمائے اور ہماری افواج کو ہمیشہ کامیاب رکھے۔
