جہلم پولیس نے چوری اور موٹر سائیکل چوری کی وارداتوں میں ملوث کالو گینگ کے سرغنہ سمیت 2 ملزمان کو گرفتار کر لیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایت پر ایس ایچ او تھانہ سول لائنز اور پولیس ٹیم نے کارروائی کرتے ہوئے کالو گینگ کے 2 کارندوں کو دھر لیا۔ پولیس نے ملزمان کے قبضے سے چوری شدہ موٹر سائیکل اور موبائل فون برآمد کر لیے جن کی مالیت تقریباً 50 ہزار روپے بتائی گئی ہے۔
پولیس کا کہنا ہے کہ ملزمان کو ٹھوس شواہد کے ساتھ چالان عدالت کیا جائے گا اور انہیں قرار واقعی سزا دلوائی جائے گی۔
ڈی پی او جہلم طارق عزیز سندھو نے کہا کہ شہریوں کو ان کے قیمتی اثاثوں سے محروم کرنے والے جرائم پیشہ عناصر کسی رعایت کے مستحق نہیں، جرائم کے خاتمے کے لیے پولیس کی کارروائیاں مزید تیز کی جائیں گی۔
