سوہاوہ: ایس ایچ او تھانہ ڈومیلی اور ٹیم کی اہم کارروائی، مویشی چوری کے مقدمہ میں ملوث 2 اشتہاری مجرمان گرفتار کر لئے۔
تفصیلات کے مطابق تھانہ ڈومیلی پولیس نے کارروائی کرتے ہوئے اشتہاری مجرمان بابر ندیم اور عاقب محمود کو گرفتار کر لیا، مجرمان سے مویشی بیچ کر حاصل کی گئی رقم مبلغ 8 لاکھ روپے برآمد کر لی گئی۔
مجرمان سال2023سے مویشی چوری کے مقدمات میں تھانہ ڈومیلی پولیس کو مطلوب تھے، مجرمان گرفتاری سے بچنے کے لیے روپوش ہوگئے تھے،جن کو سائنٹیفک طریقہ کار کو بروئے کار لاتے ہوئے تھانہ ڈومیلی پولیس نے گرفتار کر لیا۔
ڈسٹرکٹ پولیس آفیسر جہلم ناصر محمود باجوہ نے ایس ایچ او تھانہ ڈومیلی اور ٹیم کو شاباش دی اور کہا کہ شہریوں کی جان و مال کی حفاظت اولین ترجیح ہے، اشتہاری مجرمان کے خلاف بھر پور کریک ڈاؤن جاری ہے۔
