جہلم: ضلع بھر میں درجنوں سے زائد ہائی اور ہائر سیکنڈری سکولوں میں آئی ٹی لیبز فعال نہ ہونے کا انکشاف، ضلع بھر کے سکولوں میں سالوں سے کمپیوٹرز تبدیل نہ ہونے سے 50فیصد ہائی اور ہائر سیکنڈری سکولوں کی آئی ٹی لیبز ناکارہ ہوچکی ہیں، مذکورہ سکولوں میں کمپیوٹر کا مضمون پڑھنے والے ہزاروں طلبا کے فیل ہونے کے خدشات لاحق ہو چکے ہیں۔
تفصیلات کے مطابق جہلم سمیت ضلع بھر میں سینکڑوں ہائی اور ہائر سکینڈری سکولوں میں آئی ٹی لیبز فنگشنل نہ ہونے کا انکشاف ہوا ہے، ضلع بھر کے 50 فیصد ہائی اور ہائر سکینڈری سکولوں کی آئی ٹی لیبز ناکارہ ہو چکی ہیں۔
ضلع بھر میں ہائی اور ہائر سکینڈری سکولوں کی تعدادسینکڑوں میں بتائی جاتی ہے مذکورہ سکولوں میں آئی ٹی لیبر فنگشنل نہ ہونے سے کمپیوٹر کا مضمون رکھنے والے طلباء و طالبات کے فیل ہونے کے خدشات لاحق ہو چکے ہیں۔
زیر تعلیم طلباء و طالبات کے والدین نے نگران وزیراعلیٰ پنجاب، نگران صوبائی وزیر تعلیم سے مطالبہ کیاہے کہ سکولوں میں قائم آئی ٹی لیبز کو فنگشنل بنایا جائے تاکہ بچے سالانہ امتحانوں میں کامیابی حاصل کر سکیں۔
