پنڈدادنخان پولیس نے بڑی کارروائی کرتے ہوئے اعظم موٹرسائیکل چور گینگ کو گرفتار کر کے چوری شدہ موٹرسائیکلیں برآمد کر لیں۔
تفصیلات کے مطابق جہلم کی تحصیل پنڈدادنخان میں ایس ایچ او تھانہ پنڈدادنخان اور ٹیم نے اہم کارروائی کرتے ہوئے موٹر سائیکل چور اعظم گینگ کے ملزمان اعظم، کاشان اور رضوان کو گرفتار کر لیا۔
پولیس کا کہنا ہے کہ ملزمان سے چوری شدہ پانچ عدد موٹر سائیکلیں برآمد کر لی ہیں، ملزمان کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
