پنڈدادنخان: تھانہ جلالپورشریف کے ایس ایچ او اور ان کی ٹیم نے بروقت اور مؤثر کارروائی کرتے ہوئے ناجائز اسلحہ رکھنے والے دو ملزمان کو گرفتار کر لیا۔ اسلحہ اور ایمونیشن برآمد کر کے مقدمات درج کر لیے گئے۔
تفصیلات کے مطابق جہلم کی تحصیل پنڈدادنخان میں تھانہ جلالپورشریف کی پولیس ٹیم نے مخبر کی اطلاع پر کارروائی کرتے ہوئے ملزمان قمر اور حسنین کو گرفتار کیا۔ دوران تلاشی ملزم قمر کے قبضے سے 30 بور پستول بمعہ ایمونیشن جبکہ ملزم حسنین سے بھی 30 بور پستول بمعہ ایمونیشن برآمد کیا گیا۔
پولیس نے دونوں ملزمان کے خلاف الگ الگ مقدمات درج کر لیے ہیں اور مزید تفتیش جاری ہے۔
ایس ایچ او جلالپورشریف کے مطابق علاقے میں جرائم کی روک تھام اور امن و امان کی فضا کو برقرار رکھنے کے لیے ایسے اقدامات جاری رہیں گے۔
