سوہاوہ: معروف سماجی و مذہبی شخصیت خلیفہ عبدالقیوم کے صاحبزادے، محمد اویس، حافظ مجتبیٰ، محمد شعیب اور محمد عثمان کے بھائی محمد سلیمان رشتہ ازدواج میں منسلک ہو گئے۔
اس خوشی کے موقع پر ان کے آبائی گاؤں کھنور میں ایک پروقار اور پُررونق ولیمہ تقریب کا انعقاد کیا گیا، جس میں علاقہ بھر سے معزز شخصیات، سماجی و مذہبی شخصیات اور اہل علاقہ نے بڑی تعداد میں شرکت کی۔
ولیمہ کی تقریب میں ملک ضمیر حسین، اسسٹنٹ ڈائریکٹر لوکل گورنمنٹ گوجرخان، ملک اشفاق، سابق ناظم یونین کونسل ججیال، چوہدری یونس سیری گھنیال، راجہ محمد انور کیانی، سابق سینئر ہیڈماسٹر گورنمنٹ ہائی سکول بڑاگواہ، ابرار نجیب گجر، ڈائریکٹر روہتاس انٹرنیشنل سکول اینڈ کالج جھنگ چک، راجہ وقار فلنگ اسٹیشن گتر، ڈاکٹر جواد احمد اڈرانہ، ماسٹر ضیاء اللہ کیانی، علامہ مولانا تمریز چشتی، پرنسپل دارالعلوم محمدیہ جمال الکرم بڑاگواہ، ڈاکٹر اسد کیانی بڑاگواہ سمیت دیگر معززین اور اہل علاقہ کی کثیر تعداد نے شرکت کی۔
تقریب کے دوران تمام معزز مہمانوں نے دلہا محمد سلیمان کو شادی کی دلی مبارکباد پیش کی اور ان کی نئی ازدواجی زندگی کے لیے نیک خواہشات کا اظہار کیا۔ شرکاء نے خلیفہ عبدالقیوم کی جانب سے مہمانوں کے لیے کیے گئے پرتکلف انتظامات اور بہترین میزبانی کو بھی سراہا۔
ولیمہ تقریب کے دوران مہمانوں اور اہل علاقہ کی جانب سے دولہا اور ان کے خاندان کے لیے نیک تمناؤں کا اظہار کیا گیا اور ان کی خوشیوں میں شریک ہوتے ہوئے نئی زندگی کے لیے دعائیں کی گئیں۔
آخر میں خلیفہ عبدالقیوم اور ان کے صاحبزادوں نے ولیمہ کی تقریب میں تشریف لانے والے تمام معزز مہمانوں، دوست احباب اور اہل علاقہ کا تہہ دل سے شکریہ ادا کیا اور ان کی شرکت کو اپنے لیے باعثِ مسرت قرار دیا۔
