پنڈدادنخان: ڈسٹرکٹ پولیس آفیسر جہلم شفیق احمد چوہدری نے فرض شناسی، دیانت داری اور پیشہ ورانہ صلاحیتوں کے حامل پولیس افسر ملک مطلوب حسین ندیم کو ایس ایچ او تھانہ جلالپور شریف تعینات کر دیا ہے۔
ملک مطلوب حسین ندیم اس سے قبل بھی تھانہ جلالپور شریف میں بطور ایس ایچ او خدمات سرانجام دے چکے ہیں۔ وہ محکمہ پولیس میں ایک تجربہ کار، فرض شناس اور اچھی شہرت کے حامل افسر کے طور پر پہچانے جاتے ہیں۔ ان کی دوبارہ تعیناتی کو علاقے میں پولیسنگ کے نظام کو مزید مؤثر بنانے کے حوالے سے اہم قرار دیا جا رہا ہے۔
ملک مطلوب حسین ندیم کا شمار ان پولیس افسران میں ہوتا ہے جو اپنی پیشہ ورانہ ذمہ داریوں کی ادائیگی، قانون کی بالادستی اور جرائم کے تدارک کو اہمیت دیتے ہیں۔ ان کی تعیناتی سے علاقے میں امن و امان کے قیام، جرائم پیشہ عناصر کے خلاف مؤثر کارروائیوں اور شہریوں کے جان و مال کے تحفظ کے لیے مزید بہتر اقدامات کی توقع کی جا رہی ہے۔
علاقائی حلقوں میں امید ظاہر کی جا رہی ہے کہ ملک مطلوب حسین ندیم اپنی پیشہ ورانہ صلاحیتوں اور تجربے کو بروئے کار لاتے ہوئے جرائم کی روک تھام، عوامی مسائل کے حل اور شہریوں کے پولیس پر اعتماد کو مزید مستحکم کرنے میں اپنا کردار ادا کریں گے۔
