جہلم: وزیرخوراک اور ڈی جی فوڈ اتھارٹی نے جہلم فوڈ اتھارٹی کے دفتر کا دورہ کیا، انہوں نے فوڈ اتھارٹی جہلم کی کارکردگی کا مکمل جائزہ لیا۔
ترجمان فوڈ اتھارٹی کے مطابق صوبائی وزیر خوراک بلال یاسین اور ڈی جی فوڈ اتھارٹی عاصم جاوید نے جہلم میں فوڈ اتھارٹی دفتر کا دورہ کیا اور کارکردگی کا جائزہ لیا، وزیر خوراک نے فوڈ اتھارٹی جہلم کی کارکردگی کو سراہا۔
ترجمان کا کہنا ہے کہ ڈائریکٹر آپریشن نارتھ نے وزیر خوراک بلال یاسین اور ڈی جی فوڈ اتھارٹی عاصم جاوید کو کام کے حوالے سے مکمل تفصیلی بریفنگ دی۔ ڈی جی فوڈ نے فوڈ اتھارٹی جہلم کے مسائل سے متعلق وزیر خوراک کو آگاہ کیا۔ وزیر خوراک اور ڈی جی فوڈ اتھارٹی نے جہلم شہر کا بھی دورہ کیا۔
اس موقع پر وزیر خوراک بلال یاسین کا کہنا تھا کہ فوڈ اتھارٹی جہاد کا کام کر رہی ہے، ملاوٹ مافیاء کو کسی صورت معافی نہ دی جائے۔ فوڈ اتھارٹی کو مزید وسائل دیے جائیں گے تاکہ وہ بہتر کام کر سکے۔
