بجلی مزید 3 روپے 53 پیسے فی یونٹ مزید مہنگی ہونے کا امکان ، صارفین پر 40 ارب روپے کا بوجھ پڑے گا۔
ذرائع کا کہنا ہے کہ سنٹرل پاور پرچیزنگ ایجنسی (سی پی پی اے) نے بجلی 3 روپے 53 پیسے مہنگی کرنے کیلئے نیپرا میں درخواست دائر کر دی ہے، یہ اضافہ اکتوبر 2023 کی ماہانہ فیول ایڈجسٹمنٹ کی مد میں مانگا گیا ہے۔
ذرائع کے مطابق درخواست پر نیپرا 29 نومبر کو سماعت کرے گی ، اضافے کی صورت میں بجلی صارفین پر تقریباً 40 ارب روپے کا بوجھ پڑے گا۔ قیمت میں اضافے کا اطلاق کے الیکٹرک صارفین پر نہیں ہو گا۔
