جہلم: محکمہ ایکسائز کے کمپیوٹر سسٹم میں خرابی کے باعث پچھلے تین ماہ سے فٹنس سرٹیفکیٹ ریکارڈ غائب، جہلم سمیت پنجاب بھر میں ٹرانسپورٹر ز رُل گئے ،روٹ پرمٹ کا اجرا مکمل بند ہو گیا۔
ذرائع سے معلوم ہوا ہے کہ محکمہ ٹرانسپورٹ میں فٹنس اور روٹ پرمٹ کے اجرا کا سٹم محکمہ ایکسائز کے ساتھ لنک ہے جبکہ 6 ستمبر سے محکمہ ایکسائز کا کمپیوٹر سسٹم خراب ہے جس کے باعث ایسے تمام ٹرانسپورٹر جن کو مارچ اور اپریل 2023ء میں فٹنس حاصل کر چکے ہیں، جب وہ محکمہ ٹرانسپورٹ کے پاس جاتے ہیں تو ریکارڈ آن لائن نہ ہونے سے روٹ پرمٹ کا اجرا نہیں ہوسکتا۔
اسی طرح ستمبر سے اب تک کا ریکارڈ بھی غائب ہے، محکمہ ایکسائز کا کمپیوٹرسسٹم خراب ہونے کی وجہ سے ٹرانسپورٹرز کو سخت دشواری کو سامنا کرنا پڑ رہا ہے جب تک محکمہ ایکسائز کا کمپیوٹر سسٹم درست نہیں ہوگا اس وقت تک ٹرانسپورٹرز کو مشکلات کا سامنا رہے گا۔
ٹرانسپورٹرز نے ارباب اختیار سے نوٹس لینے اور کمپیوٹر سسٹم درست کرنے کا مطالبہ کیا ہے ۔
