جہلم: عید کے قریب آتے ہی شہر سمیت مضافاتی علاقوں میں پرچون سطح پر سبزیوں، پھلوں اور برائلر مرغی کے گوشت کی گراں فروشی میں اضافہ ہو گیا۔
بیشتر علاقوں میں گراں فروشوں نے 29ویں روزے کو کھلے عام صارفین کو ایک کلو آلو کچا چھلکا نیا درجہ اول 90 روپے میں فروخت کیا گیا جس کی سرکاری قیمت 57 روپے مقرر تھی۔
اسی طرح آلو کچا چھلکا کا نیا درجہ دوم55 روپے کی بجائے 70 روپے، پیاز درجہ اول198 روپے کی بجائے 280 ، پیاز درجہ دوم 190 کی بجائے 250۔ ٹماٹر درجہ اول 155 کی بجائے 300 روپے، ٹماٹر درجہ دوم 145 کی بجائے 250 روپے، لہسن دیسی 330 روپے کی بجائے 450 ، لہسن چائنہ 615 روپے کی بجائے 700 ، ادرک تھائی لینڈ 620 روپے کی بجائے 750 روپے فی کلو تک فروخت کی گئی۔
کھیرا فارمی 40 روپے کی بجائے 60، میتھی 20 کی بجائے 50 روپے، بینگن 65 کی بجائے 85، بند گو بھی 80 کی بجائے 120 ، پھول گوبھی 40 کی بجائے 90، شملہ مرچ 130 کی بجائے 200 ، شلجم 35 روپے کی بجائے 50 روپے، مٹر 160 کی بجائے250روپے فی کلو تک فروخت کئے گئے۔
کریلا 135 کی بجائے 200، سبز مرچ درجہ اول 110 کی بجائے200 ، لیموں چائنہ 195 کی بجائے 250، مونگرے 110 کی بجائے 150 ، مولی30 کی بجا ئے 50روپے، پالک 20 روپے کی بجا ئے 40 روپے، گاجر 70 کی بجائے 90 روپے فی کلو تک فروخت کی گئی۔
پھلوں میں ایک کلو سیب کالا کولودرجہ اول 320 کی بجائے 400، مسمی 125 کی بجائے 200 روپے درجن ، امرود 200 کی بجائے 250 فی کلو ، کینو160 کی بجائے 250 روپے درجن، خربوزہ 170 کی بجائے 250 روپ فی کلو ، تربوز150 روپے کی بجائے 200 روپے ، سٹابری 150 کی بجائے 250 روپے کلو ، کھجور ایرانی 430 کی بجائے 600 روپے فی کلو تک فروخت کی گئی۔
