پنجاب حکومت نے شاعر مشرق علامہ اقبال کے یوم پیدائش پر 9 نومبر کو عام تعطیل کا اعلان کردیا۔
محکمہ سروسز اینڈ جنرل ایڈمنسٹریشن کی جانب سے جاری نوٹیفکیشن میں کہا گیا ہے کہ صوبائی حکومت کے زیر انتظام ادارے جمعرات 9 نومبر کو علامہ اقبال کے یوم پیدائش پر بند رہیں گے۔
نوٹیفکیشن کے مطابق 9 نومبر کو تمام تعلیمی ادارے، سرکاری دفاتر میں عام تعطیل رہے گی۔
واضح رہے کہ اس سے قبل وفاقی حکومت کی جانب سے 9 نومبر کو یوم اقبال پر عام تعطیل کا اعلان کیا جاچکا ہے۔
واضح رہے کہ ہر سال 9 نومبر کو پاکستان بھر میں شاعر مشرق علامہ محمد اقبالؒ کے یومِ پیدائش کو یومِ اقبال کے طور پر منایا جاتا ہے۔
