جہلم: شنگھائی کانفرنس تعاون تنظیم اسلام آباد میں منعقدہ اجلاس کے موقع پر پی ٹی آئی کے اسلام آباد میں دھرنے اوراحتجاج کے پیش نظر جہلم سے سینکڑوں پولیس جوان اٹک روانہ، جہلم پولیس نے اٹک پل پر ذمہ داریاں سنبھال لیں۔ ڈسٹرکٹ پولیس آفیسر، 5ڈی ایس پیز اور 12تھانوں کے ایس ایچ آوز بھی تازہ دم دستے میں شامل ہیں۔
تفصیلات کے مطابق شنگھائی تعاون تنظیم کانفرنس جو کہ اسلام آباد میں منعقد ہورہی ہے کے موقع پر پاکستان تحریک انصاف کی قیادت نے احتجاج اور دھرنا دینے کا پیغام دے رکھا ہے۔ حکومت نے شنگھائی تعاون تنظیم کانفرنس کوہرلحاظ سے پر امن بنانے کےلیے سخت حفاظتی اقدامات کر رکھے ہیں۔
اسی حوالے سے کے پی کے سے آنے والے قافلے کو روکنے کیلئے جہلم پولیس کے اڑھائی سو سے زائد افسران وجوانوں پر مشتمل دستہ جس کی قیادت ڈسٹرکٹ پولیس آفیسر چوہدری ناصر محمود باجوہ کررہے تھے گزشتہ روز پولیس لائن سے اٹک کے لیے روانہ ہوگئے۔
دستہ میں ڈسٹرکٹ پولیس آفیسر جہلم ناصر محمود باجوہ سمیت 5ڈی ایس پیز، ضلع جہلم کے 12تھانوں کے ایس ایچ اوز سمیت جوانوں کی کثیر تعداد شامل ہے۔
