چوہدری فرخ الطاف نے کہا کہ للِہ جہلم ڈیول کیرج وے کی موجودہ صورتحال انتہائی بدتر ہے، لوگوں کودوران سفر انتہائی تکلیف کا سامنا کرنا پڑتا ہے، وعدہ کرتا ہوں اگر میں منتخب ہوا اور مسلم لیگ ن کی حکومت بنی تو فوری کام کا آغاز کرا کے روڈ مکمل کی جائے گی۔
حلقہ این اے 61 سے مسلم لیگ (ن) کے امیدوار چوہدری فرخ الطاف نے پنڈدادنخان میں مختلف کارنر میٹنگز میں خطاب کرتے ہوئے کہا کہ تحصیل پنڈدادنخان کی محرومیوں سے بخوبی واقف ہوں، حیران ہوں کہ جو کام آج سے کئی سال قبل ہو جانا چاہیے تھے وہ آج تک تعطل کا کیوں شکار ہیں؟ لوگ آج تک پینے کے پانی جیسی بنیادی ضرورت سے محروم ہیں، اوپر سے مواصلاتی نظام درہم برہم ہے، علاقے کی معیشت زیرو گراف سے بھی نیچے ہے۔
انہوں نے کہا کہ سوئی گیس کے دفتر کا مسئلہ، ہسپتال کے متعلق تمام مسائل، پنڈدانخان سمیت تمام علاقے کی گلیوں، سڑکوں، صحت، سکول و کالجز سمیت تمام مسائل حل کراؤں گا۔
چوہدری فرخ اطلاف نے کہا کہ آپ کے والہانہ استقبال کا مشکور ہوں، آٹھ فروری کو شیر پر مہریں لگا کر اپنا حق ادا کریں اور پارٹی کے قائد میاں نوازشریف کے ہاتھ مظبوط کریں۔ حکومت میں آنے کے بعد ہم آپ کی محرومیاں دور کرانے میں اپنا کردار ادا کریں گے۔
اس موقع پر شرکاء کارنر میٹنگز نے چوہدری فرخ الطاف کو ووٹ دینے اور مکمل حمایت کا یقین دلایا۔
