جہلم: ضلع جہلم میں پانی کی فراہمی اور نکاسی آب کے مسائل کے حل کے لیے واسا اتھارٹی نے باضابطہ طور پر چارج سنبھال لیا۔ میونسپل کمیٹی اور واسا کے درمیان معاہدہ طے پا گیا، جس کے بعد ضلع میں اس شعبے میں بہتری کی امید پیدا ہو گئی ہے۔
ڈپٹی کمشنر دفتر میں منعقدہ ایک خصوصی تقریب میں ایڈمنسٹریٹر میونسپل کمیٹی صبا سحر اور واسا کے منیجنگ ڈائریکٹر کے درمیان ایم او یو پر دستخط کیے گئے۔ اس موقع پر ڈپٹی کمشنر جہلم میثم عباس کی زیر صدارت اجلاس میں واسا کے افسران نے اپنی ورک فورس اور آئندہ کے منصوبہ جات پر بریفنگ دی۔
ڈپٹی کمشنر میثم عباس نے کہا کہ پنجاب حکومت شہریوں کے تمام مسائل کے حل کے لیے کوشاں ہے۔ واسا کے قیام سے ایک پروفیشنل ادارے کے تحت شہریوں کو صاف اور صحت مند ماحول فراہم کیا جائے گا۔
