جہلم: ضلع جہلم میں آتش بازی کے سامان کی غیرقانونی فروخت اور ذخیرہ اندوزی کے خلاف پولیس کا کریک ڈاؤن جاری ہے۔ تھانہ کالا گجراں کے ایس ایچ او اور ان کی ٹیم نے کارروائی کرتے ہوئے آتش بازی کا سامان رکھنے والے ایک ملزم کو گرفتار کر لیا ہے۔
تفصیلات کے مطابق جہلم پولیس نے کامیاب کارروائی کرتے ہوئے ملزم شایان کو گرفتار کر لیا ہے، جس کے قبضے سے 25 عدد شہنائیاں، 20 عدد فرشی گولے اور 15 عدد آتش بازی کے انار برآمد کیے گئے۔
پولیس کا کہنا ہے کہ آتش بازی کا یہ سامان کسی بھی ناخوشگوار واقعے کا باعث بن سکتا تھا، جس سے بروقت کارروائی کرکے بچاؤ ممکن بنایا گیا۔
پولیس نے ملزم کے خلاف تھانہ کالا گجراں میں مقدمہ درج کر کے مزید تحقیقات شروع کر دی ہیں۔ ایس ایچ او کا کہنا ہے کہ آتش بازی جیسے خطرناک اور غیر قانونی کاروبار کے خلاف زیرو ٹالرنس پالیسی اپنائی گئی ہے اور ایسے عناصر کے خلاف سخت کارروائیاں جاری رہیں گی۔
