جہلم: شہرکو تجاوزات سے پاک بنانے کا خواب پورا نہ ہو سکا، وزیر اعلی پنجاب کے احکامات ہوا میں اڑا دیے گئے۔ بازاروں، مارکیٹوں اور چوک چوراہوں میں تجاوزات کی بھر مار ہے، میونسپل کمیٹی کے شعبہ انسداد تجاوزات کی کارروائیاں مال بناؤ ڈنگ ٹپاؤ پالیسی پر گامزن ہیں، رپورٹ میں سب اچھا ہے۔
تفصیلات کے مطابق جہلم شہر کے بازاروں گلی محلوں چوک چوراہوں میں شہریوں کا پیدل گزرنا بھی محال ہو چکا ہے، تجاوزات کے حوالے سے میونسپل کمیٹی کی تجاوزات کے خاتمے کی رپورٹس بھی حقائق کے برعکس ہیں۔
شہر کے حالات بد سے بدتر سے بدترین ہونے لگے، شہریوں کابازاروں چوک چوراہوں میں پیدل چلنا بھی محال ہو گیا۔ وزیراعلی پنجاب مریم نواز شریف کے واضح احکامات کے باوجود محکمہ لوکل گورنمنٹ بلدیاتی ادارے تجاوزات کا خاتمہ کرنے کی بجائے تجاوزات قائم کرنے والوں کی سرپرستی کرتے دکھائی دیتے ہیں۔
شہری تنظیموں کے عمائدین نے وزیراعلی پنجاب، چیف سیکرٹری پنجاب، سیکرٹری بلدیات، کمشنر راولپنڈی اور ڈپٹی کمشنر سے نوٹس لینے اور تجاوزات کے خاتمے کامطالبہ کیاہے۔
