جہلم میں مٹن اور بیف کے بعد برائلر مرغی کی قیمتوں میں بھی مسلسل اضافہ جاری ہے، جس کے باعث مرغی کی قیمت بیف کے قریب جا پہنچی ہے اور شہری شدید پریشانی کا شکار ہو گئے ہیں۔
برائلر مرغی کی قیمت میں مزید 8 روپے فی کلو اضافہ ہوا ہے، جس کے بعد زندہ برائلر کی قیمت 411 روپے فی کلو تک پہنچ گئی ہے جبکہ صافی گوشت 595 روپے فی کلو کی بلند ترین سطح پر فروخت ہو رہا ہے۔
شہریوں کا کہنا ہے کہ مہنگائی کے اس دور میں گوشت کی بڑھتی ہوئی قیمتوں نے ان کے لیے روزمرہ اخراجات پورے کرنا مشکل بنا دیا ہے، جبکہ متعلقہ ادارے قیمتوں کو کنٹرول کرنے میں ناکام دکھائی دیتے ہیں۔
متاثرہ شہریوں نے اربابِ اختیار سے مطالبہ کیا ہے کہ فوری نوٹس لے کر قیمتوں کو کنٹرول کیا جائے اور گراں فروشی میں ملوث عناصر کے خلاف سخت کارروائی عمل میں لائی جائے تاکہ عوام کو ریلیف فراہم کیا جا سکے۔
