سوہاوہ/چکوال: جنگلات کا تحفظ کرنے اور بہترین صلاحیتوں کا مظاہرہ کرنے پرڈویژنل فاریسٹ آفیسر چکوال سدھیر احمد مغل اورانکی ٹیم کو تعریفی سرٹیفکیٹ سے نوازا گیا۔
تفصیلات کے مطابق چکوال کے جنگلات میں موسم گرما میں جھاڑیوں میں بھڑک اٹھنے والی آگ پر بروقت قابو پانے جنگلات کا تحفظ کرنے اور بہترین صلاحیتوں کا مظاہرہ کرنے پر ڈپٹی کمشنر چکوال محترمہ قرۃ العین نےڈی ایف او چکوال سدھیر احمدمغل انکی ٹیم اور ریسکیو چکوال کے حکام کو تعریفی سرٹیفکیٹ سے نوازا۔
ڈویژنل فاریسٹ آفیسر چکوال سدھیر احمد مغل نے اس موقع پر کہا کہ جنگلات کا بچاؤ اور بڑھوتری آنیوالی نسلوں کی بقا کی ضمانت ہے اس پر کوئی سمجھوتہ نہیں کیا جائے گا۔ جنگلات کے تحفظ اور اضافے کےلیے محکمہ جنگلات کا ہر افسر اور اہلکار پرعزم ہے، عوام بھی ساتھ دے، حوصلہ افزائی اور راہنمائی پر ڈپٹی کمشنر چکوال کے مشکور ہیں۔
