جہلم میں نامعلوم افراد نے تین ویلڈرز سے لاکھوں روپے نقدی اور موبائل فونز لوٹ لئے، پولیس نے مقدمہ درج کر کے تفتیش شروع کر دی۔
تفصیلات کے مطابق جہلم کے محلہ خواجگان کے رہائشی انوار ادریس نے تھانہ چوٹالہ میں درخواست دیتے ہوئے موقف اختیار کیا کہ ویلڈنگ کا کام کرتا ہوں ، سنگھوئی اڈہ پر گرل لگانے کا ٹھیکہ لے رکھا ہے گزشتہ شام ہم اپنے دوویلڈرز کو لینے کیلئے سنگھوئی پہنچے کہ بوقت10 بجکر30 منٹ را ت سنگھوئی سے جہلم جانے کیلئے نکلا جب10 بجکر 45 منٹ پر رات بحد رقبہ کھائی کوٹلی نزد مسجد اپنے موٹر سائیکلJML/95-CC/125 برنگ سرخ پر پہنچے تو اچانک سامنے 3 نوجوان لڑکے آگئے۔
متاثرہ شخص نے بتایا کہ تینوں لڑکوں میں سے ایک کا قد لمبا،دو کے قد درمیانے اور عمریں جوان تھیں، لمبے قد والے نے مجھ سے موٹر سائیکل چھین لیا اور ہم تینوں کو موٹر سائیکل سے اتار کر ہماری تلاشی لی ، تینوں لڑکے مسلح ہائے پسٹل تھے۔
متاثرہ شخص نے پولیس کو بتایا کہ دولڑکوں نے میری تلاشی لی اور میری جیب سے2لاکھ 50 ہزار روپے اور میرا موبائل فون ٹچ سکرین INFINIX، ویلڈرز محمد امین ولد مشتاق احمد سکنہ پاکپتن سے 7 ہزار روپے اور موبائل فون بٹن والا جبکہ دوسرے ویلڈر محمد ندیم سے3 ہزار روپے اور موبائل فون بٹنو والا چھین لیے اور جانب بخاری چوک فرار ہو گئے ، تینوں ملزمان کو سامنے آنے پر شناخت کر سکتا ہوں۔
تھانہ چوٹالہ کے تفتیشی افسر اسسٹنٹ سب انسپکٹر نعیم شہزاد نے دفعہ 392 ت پ کے تحت مقدمہ درج کرکے تفتیش شروع کردی ہے۔
