جہلم: ڈسٹرکٹ پولیس آفیسر جہلم ناصر محمود باجوہ کی زیر صدارت ڈی پی او آفس میں کرائم میٹنگ کا انعقاد کیا گیا۔
میٹنگ میں ایس ڈی پی اوز ضلع ہذا، ڈی ایس پی انویسٹی گیشن، انچارج سی آئی اے، انچارج آئی ٹی سیل، ایس ایچ اوز و تفتیشی افسران تھانہ سٹی، سوہاوہ اور تھانہ دینہ نے شرکت کی۔
دوران میٹنگ تمام تر سرکلز ہائے کے مقدمات و نامکمل چالان زیر بحث آئے۔ ڈی پی او جہلم نے پراسیکیوشن سے قریبی رابطہ رکھتے ہوئے مقدمات کی بروقت یکسوئی اور عدالت ہائے میں ترسیل کو یقینی بنانے اور عوام الناس کو انصاف کی بروقت فراہمی کے لیے زیر تفتیش مقدمات کو جلد یکسو کرنے کی ہدایت کی۔
ڈی پی او جہلم ناصر محمود باجوہ نے کہا کہ ایس ڈی پی اوز یقینی بنائے کہ مقدمات کے چالان اندر میعاد عدالت ہائے میں موصول ہوں۔ تکمیل ریکارڈ پر خصوصی توجہ دیں، سپروائزری افسران تھانہ جات میں ایس ایچ اوز اور تفتیشی افسران کے ساتھ میٹنگ کا انعقاد کریں، پینڈنگ روڈ سرٹیفکیٹس کی یکسوئی یقینی بنائیں۔
انہوں نے کہا کہ تمام تھانہ جات اور سرکل افسران کی کارکردگی کو روزانہ کی بنیاد پر مانیٹر کیا جا رہا ہے، اچھی کارکردگی پر حوصلہ افزائی جبکہ ناقص کارکردگی پر بازپرس ہو گی۔
