سوہاوہ: کلر سیداں پریس کلب کے سالانہ انتخابات میں اتفاق رائے سے شیخ قمر الاسلام کو صدر جبکہ پرویز اقبال وکی کو جنرل سیکرٹری منتخب کر لیا گیا۔ شیخ قمر الاسلام کو صدر منتخب ہونے پر تحصیل پریس کلب سوہاوہ کے چیئرمین احسن وحید، صدر شیخ انیس، جنرل سیکرٹری ملک وحید اور سینئر صحافی یاسر فہمید نے مبارکباد پیش کی۔
تفصیلات کے مطابق گزشتہ روز کلر سیداں پریس کلب کے اجلاس کی صدارت دلنواز فیصل نے کی، جس میں مجلس عاملہ نے متفقہ طور پر ایک سال کے لیے شیخ قمر الاسلام کو صدر اور پرویز اقبال وکی کو جنرل سیکرٹری منتخب کیا۔ دیگر منتخب عہدیداران میں اکرام الحق قریشی سرپرست اعلیٰ، دلنواز فیصل چیئرمین، محمد جاوید اقبال وائس چیئرمین، راجہ محمد سعید چیف آرگنائزر، سینئر نائب صدر حافظ کامران حشر،عتیق مرزا،چوہدری جواد مجید کو بالترتیب صدر اول،دوئم اور سوئم منتخب کر لیا گیا۔
اسی طرح فیصل خان کو ایڈیشنل جنرل سیکرٹری، حسن اختر کو سیکرٹری انفارمیشن اور دلنواز فیصل کو خزانچی منتخب کیا گیا ۔ شیخ تیمور قدوس کو ایگزیکٹو ڈائریکٹر مقرر کیا گیا جبکہ مجلس عاملہ کے ممبران میں محمد جاوید، ہارون الرشید، طاہر یٰسین طاہر، فیصل جاوید، اور ندیم بلو شامل ہیں۔
تحصیل پریس کلب سوہاوہ نے نو منتخب عہدیداران اور ممبران کو مبارکباد پیش کی اور امید ظاہر کی کہ موجودہ کابینہ عوامی مسائل کے حل اور مظلوموں کی آواز بلند کرنے میں کلر سیداں پریس کلب کے پلیٹ فارم سے اہم کردار ادا کرے گی۔
