ضلع جہلم میں مقیم کشمیری جماعت اسلامی کے امیدواروں کی مہم چلائیں، راجہ جہانگیر خان

دینہ: جماعت اسلامی آزاد جموں وکشمیرکے سیکرٹری جنرل راجہ جہانگیر خان نے کہاہے کہ جماعت اسلامی پاکستان ظلم مہنگائی اور ناانصافی کے خاتمے کے ساتھ ساتھ کشمیرکی آزادی کی جدوجہد کررہی ہے۔ پاکستان کے عوام جماعت اسلامی پر اعتماد کریں، پاکستان کے معاشی بحران کا واحل حل جماعت اسلامی ہے۔ باریاں لگانے والوں نے عوام کے منہ سے دو وقت کی روٹی بھی چھین لی ہے، ضلع جہلم میں مقیم کشمیری جماعت اسلامی کے امیدوار ان کی مہم چلائیں۔

ان خیالات کا اظہار انہوں نے جماعت اسلامی کےضلع جہلم کے قومی و صوبائی اسمبلی کے حلقوں کے لیے نامزد امیدواران ڈاکٹر قاسم محمود اور سید ضیاءاللہ بخاری کے حلقہ ہائے انتخاب کے دورے کے دوران سوہاوہ اور دینہ میں مختلف وفود سے ملاقات کے موقع پر کیا۔

انہوں نے کہاکہ جماعت اسلامی پاکستان کی عوام کے لیے خدامات تاریخ کا روشن باب ہیں، آزمائش کی ہرگھڑی میں جماعت اسلامی عوام کی مدد کے لے حاضرہوتی ہے ،اب وقت ہے کہ عوام جماعت اسلامی کے امیدواران کو منتخب کریں تاکہ عوام کے مسائل حل ہوں۔

راجہ جہانگیر خان نے کہا کہ جماعت اسلامی وہ واحد جماعت ہے جو ملک کی نظریاتی اور جغرافیائی سرحدوں کی حفاظت کے لیے اپنی جانوں کے نذرانے پیش کررہی ہے ،پاکستان کودولخت ہونے سے بچانے کے لیے جماعت اسلامی نے بیس ہزارنوجوان قربان کیے،پاکستان کے اندر سیلاب ہو،زلزلہ ہویا کرونا کی مصیبت ہو جماعت اسلامی ہی عوام کو ریلیف فراہم کرتی ہے۔

راجہ جہانگیر خان نے کہا کہ جماعت اسلامی کی قیادت اور منتخب نمائندوں پر آج تک کسی طرح کی کرپشن یا اقربا پروری کا کوئی الزام نہیں ہے۔

ڈاکٹر قاسم محمود اور سید ضیاءاللہ بخاری نے جماعت اسلامی آزادکشمیر کے سیکرٹری جنرل راجہ جہانگیر خان اور ان کے وفد میں شریک راجہ بشیر اور مرزا تجمل جرال کی طرف سے ان کے حلقوں کا دورہ کرنے پر شکریہ ادا کیا۔

اس موقع پر جماعت اسلامی یوتھ شمالی پنجاب کے نائب صدر فیاض احمد بٹ ، حبیب بٹ، راجہ فہیم اور دیگر احباب بھی موجود تھے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button