جہلم: پاکستان کے 78 ویں یومِ آزادی کے سلسلے میں ضلع جہلم میں تقریبات کا سلسلہ جوش و خروش سے جاری ہے۔
ڈپٹی کمشنر جہلم سید محمد میثم عباس نے محکمہ صحت جہلم کے زیرِ اہتمام کیک کاٹنے کی تقریب میں شرکت کی۔
تقریب سے خطاب کرتے ہوئے ڈپٹی کمشنر نے کہا کہ جشنِ آزادی منانے کا حقیقی تقاضا یہ ہے کہ ہم وطنِ عزیز کے ساتھ مخلص ہو کر اپنے فرائض انجام دیں اور ایک پرامن، خوشحال اور روشن پاکستان کے لیے اپنا کردار ادا کریں۔
اس موقع پر سی ای او ہیلتھ ڈاکٹر مظہر حیات، محکمہ صحت کے افسران اور دیگر شرکاء موجود تھے۔ تقریب میں شریک افراد نے ایک دوسرے کو جشنِ آزادی کی مبارکباد دی اور ملک کی خاطر ہر قسم کی قربانی دینے کے عزم کا اعادہ کیا۔
