جہلم: ریجنل ایمرجنسی آفیسر راولپنڈی ڈویژن ڈاکٹر عبدالرحمٰن نے گزشتہ روز ریسکیو 1122 جہلم کے اسٹیشن اور سٹی پوائنٹ کا دورہ کیا۔
دورے کے موقع پر ڈسٹرکٹ ایمرجنسی آفیسر ریسکیو 1122 جہلم انجینئر سعید احمد نے ان کا پرتپاک استقبال کیا۔
ریجنل ایمرجنسی آفیسر ڈاکٹر عبدالرحمٰن نے کہا کہ اس دورے کا بنیادی مقصد ریسکیو 1122 جہلم کی استعدادِ کار کو جانچنا اور دستیاب وسائل کی مجموعی کارکردگی کو مزید بہتر بنانا ہے۔ اس موقع پر انہوں نے ریسکیو 1122 کے مختلف شعبوں، بشمول اکاؤنٹ سیکشن، مینٹیننس سیکشن، اسٹور روم اور کنٹرول روم کا تفصیلی جائزہ لیا۔
انہوں نے ریسکیو اسٹاف سے ملاقات کرتے ہوئے ان کی کارکردگی، ایمرجنسی آلات اور گاڑیوں کی صورتحال کا معائنہ کیا۔ اس موقع پر ان کا کہنا تھا کہ "ریسکیو 1122 جہلم کی ٹیم ہر قسم کی ایمرجنسی سے نمٹنے کے لیے مکمل طور پر تیار ہے اور کسی بھی ناگہانی صورتحال میں بہترین ریسکیو سروسز فراہم کرنے کے لیے ہمہ وقت تیار رہتی ہے۔”
انہوں نے مزید کہا کہ ریسکیو 1122 کا کردار انتہائی اہم ہے اور اس کی کارکردگی کو مزید بہتر بنانے کے لیے تمام ممکنہ وسائل بروئے کار لائے جائیں گے۔
