سوہاوہ: جامعہ صدیقیہ قادریہ ڈومیلی میں محرم الحرام کی مناسبت سے خصوصی درسِ قرآن کا انعقاد، علماء کرام کی اصلاحی تقاریر، سالانہ سنی کانفرنس میں شرکت کا اعلان کیا گیا۔
تفصیلات کے مطابق جہلم کی تحصیل سوہاوہ کے علاقہ ڈومیلی کی جامعہ صدیقیہ قادریہ مدنی جامع مسجد میں محرم الحرام کی مناسبت سے خصوصی درسِ قرآن کا انعقاد کیا گیا، جو گزشتہ روز 30 جون 2025ء بمطابق 4 محرم الحرام 1447ھ بروز سوموار بعد نماز مغرب منعقد ہوا۔
اس روح پرور محفل میں حضرت مولانا صاحبزادہ قاری محمد عمر فاروق (خطیب مکی جامع مسجد، جامعہ حنفیہ تعلیم الاسلام جہلم) اور خطیب اہل سنت مولانا محمد عمیر فاروقی (مدرس جامعہ حنفیہ تعلیم الاسلام جہلم) نے محرم الحرام کی فضیلت، شہدائے کربلا کی عظیم قربانی اور اتحاد امت کی اہمیت پر نہایت مدلل، مؤثر اور اصلاحی خطابات کیے۔
محفل میں ڈومیلی اور گردونواح سے کثیر تعداد میں علماء کرام، مشائخ، طلبہ اور عاشقانِ رسولﷺ نے شرکت کی۔ شریک علماء میں مولانا محمد ریاض، مولانا محمد وسیم اکرم، مولانا محمد زعفران، مولانا توقیر احمد، مولانا حافظ معاذ علی، حافظ قاری محمد نویر، حافظ قاری عبدالرحمن اور حافظ قاری محمد رفیع عمر شامل تھے۔
آخر میں 19 اور 20 جولائی 2025ء کو بھین (چکوال) میں ہونے والی سالانہ سنی کانفرنس میں علاقہ ڈومیلی سے قافلے کی صورت میں شرکت کے عزم کا اعادہ کیا گیا اور اجتماعی طور پر اس عظیم روحانی اجتماع میں شریک ہونے کی تیاری کا آغاز کیا گیا۔
درسِ قرآن کے اختتام پر ملکی سلامتی، امتِ مسلمہ کے اتحاد، اور شہدائے کربلا کے درجات کی بلندی کے لیے دعا کی گئی۔
