جہلم: سوئی گیس کے بلوں میں اضافہ کیخلاف صارفین سوئی گیس، ریسٹورنٹس ، بیکرز اینڈ سویٹس مالکان سراپا احتجاج ہیں، سوئی گیس کے بلوں میں کمی کرنے اور گیس 24 گھنٹے فراہم کرنے کا مطالبہ کردیا۔
اس حوالے سے شہریوں اور تاجر برادری کا کہنا ہے کہ سوئی گیس کے بلوں میں ظالمانہ اضافے کو یکسر مسترد کرتے ہیں۔ 3900 روپے فی ایم ایم بی ٹی یوگیس نرخ بڑھائے گئے ہیں، یہ صرف تاجروں کیلئے ہی نہیں بلکہ گھریلو صارفین کیلئے بھی اضافہ کیا گیا ہے۔
انہوں نے کہا کہ اس اضافے کے بعد میرج ہالز ، مارکیز، ریسٹورنٹس مالکان نے نرخوں میں غیر معمولی اضافہ کر دیاہے ۔ جس سے مہنگائی کا نیا طوفان برپا ہوگا۔
ہوٹلز مالکان کا اس حوالے سے کہنا ہے کہ معاشی صورتحال کو سامنے رکھ کر سمجھتے ہیںکہ اضافہ ہونا چاہئے مگر ظالمانہ اضافے کو ہر گز قبول نہیں کریں گے ۔
شہریوں نے چیف آف آرمی سٹاف اور چیف جسٹس آف پاکستان سے مطالبہ کیاہے کہ ظالمانہ ٹیکسز اور یوٹیلیٹی بلوں میں غیر معمولی اضافے کا نوٹس لیتے ہوئے اضافے کو واپس لیا جائے تاکہ غریب سفید پوش طبقہ گھریلو معاملات جاری رکھ سکیں ۔
