سوہاوہ: بڑاگواہ میں مسلم لیگ ن اور استحکام پاکستان پارٹی کےمشترکہ مرکزی دفتر کا افتتاح

سوہاوہ کی یونین کونسل نگیال کے علاقہ بڑاگواہ میں مسلم لیگ ن اور استحکام پاکستان پارٹی کے مشترکہ مرکزی دفتر کا افتتاح کردیا گیا۔

افتتاح حلقہ پی پی 24کے مشترکہ امیدوار راجہ یاورکمال نے کیا۔ راجہ یاورکمال کے ہمراہ امیدوار حلقہ این اے 61چوہدری فرخ الطاف کے صاحبزادہ عمار فرخ، سابق ایم پی اے چوہدری ندیم خادم کے صاحبزادہ چوہدری ضیغم ندیم، راجہ عظمت کمال اور ڈاکٹر فضل الحق فضلی بھی موجود تھے۔

دفتر کے افتتاحی تقریب میں مختلف یونین کونسلز کے سابقہ چیئرمینز اور جنرل کونسلرز سمیت اہل علاقہ کی کثیرتعداد نے شرکت کی۔دفتر کے افتتاحی تقریب جلسہ میں تبدیل ہوگیا۔ راجہ معروف عابد،راجہ راؤف کیانی، راجہ محسن کیانی اور راجہ واجد کیانی کی طرف سے دفتر کا افتتاح کرایا گیا۔

راجہ یاور کمال نے شرکاء سے خطاب کرتے ہوئے کہاکہ علاقے کی ترقی کیلئے میں اور ایم این اے نے پچھلے دور میں اربوں روپے کے کام کرائے، اگرآٹھ فروری کو یہ جوڑی دوبارہ کامیاب ہوئی تو جومحرومیاں رہ گئی ہیں انکو دور کریں گے۔

ڈاکٹر فضل الحق فضلی نے خطاب میں کہا کہ چوہدری ندیم خادم، راجہ یاور کمال، راجہ بلال اظہر کیانی اور چوہدری فرخ الطاف ایک ساتھ ہیں۔ کامیابی کے بعد آپ کو پہلے روز سے ہم مسائل کو حل کریں گے۔ سب سے زیادہ سڑکیں ہوتی ہے اگر وہ ہیں تو سب کچھ ہیں۔ اگر حکومت نہ گرتی تو جو سڑکیں رہ گئی تھیں انکے ٹینڈر ہوکر اب انکا کام اختتام پذیر ہوتا۔ آٹھ فروری کو عقاب اور شیر پرمہر لگاکرکامیاب کرائیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button