پنڈدادنخان: پولیس نے منشیات فروشوں کے خلاف کارروائیاں تیز کر دیں، ایس ایچ او تھانہ جلالپور شریف اور ان کی ٹیم نے کامیاب کارروائی کرتے ہوئے منشیات فروش عرفان علی کو گرفتار کر لیا۔
تفصیلات کے مطابق جہلم کی تحصیل پنڈدادنخان میں جلالپور شریف پولیس نے مخبر کی اطلاع پر فوری کارروائی کرتے ہوئے ملزم عرفان علی کو گرفتار کیا، جو علاقے میں منشیات فروشی میں ملوث تھا۔
ملزم کے قبضے سے 1 کلو 90 گرام آئس برآمد کر لی گئی۔ پولیس نے ملزم کے خلاف تھانہ جلالپور شریف میں مقدمہ درج کر کے مزید تحقیقات کا آغاز کر دیا ہے۔
جہلم پولیس کا کہنا ہے کہ منشیات فروش معاشرے کے لیے ناسور ہیں اور ان کے خلاف بھرپور کریک ڈاؤن جاری رہے گا۔ کسی بھی منشیات فروش کو قانون کی گرفت سے بچنے نہیں دیا جائے گا اور سماج دشمن عناصر کے خلاف بلا تفریق کارروائیاں جاری رکھی جائیں گی۔
