سوہاوہ: اسسٹنٹ کمشنر سوہاوہ غزالہ اصغر نے ڈومیلی کا تفصیلی دورہ کیا اور مختلف شعبوں میں معائنہ کیا۔
انہوں نے رورل ہیلتھ سنٹر ڈومیلی میں سہولیات کا جائزہ لیتے ہوئے پنکھے لگانے کی ہدایات دیں اور مریضوں سے ملاقات کر کے ان کے مسائل سنے۔
دورے کے دوران پٹرول پمپوں کی چیکنگ بھی کی گئی، جہاں ریٹ زیادہ اور پیمانہ کم ہونے پر مالکان کو جرمانے کیے گئے۔ اس کے علاوہ میڈیکل اسٹورز، بس اڈا، سبزی، پھل اور کریانہ اسٹورز کا بھی معائنہ کیا گیا، جہاں منافع خوری کرنے والے دکانداروں کو جرمانے اور متعدد کو وارننگز جاری کی گئیں۔
اسسٹنٹ کمشنر غزالہ اصغر نے کہا کہ منافع خوری اور کم پیمانہ ڈالنے والوں کے لیے کوئی رعایت نہیں، اگر مزید شکایات موصول ہوئیں تو سخت کارروائی عمل میں لائی جائے گی۔
