جہلم: روڈ سیفٹی کے ایکسپرٹ ملک محمد صادق آف یو کے نے ڈپٹی کمشنر جہلم میثم عباس اور ڈی ایس پی ٹریفک طارق شفیع کو جہلم تعینات ہونے پر مبارک باد دیتے ہوئے کہا ہے کہ امید ہے کہ میثم عباس بطور ڈپٹی کمشنر جہلم جہلم کی فلاح و بہبود کے لیے کام کریں گے اور ڈی ایس پی ٹریفک طارق شفیع ٹریفک کے نظام کو بہتر بنانے کے لیے اپنا بھرپور کردار ادا کریں گے۔
ملک محمد صادق نے کہا کہ میں بہت جلد پاکستان آرہا ہوں اور ٹریفک سائن لے کر آؤں گا اور ٹریفک کے نظام کو بہتر بنانے کے لیے پہلے بھی کام کیا تھا اور یہ کام جاری رکھوں گا۔
ان کا کہنا تھا کہ جہلم کو خوبصورت بنانے کے لیے پہلے بھی میں نے اپنا بھرپور کردار ادا کیا اور اپنی پاکٹ سے خرچ کیا اور آئندہ بھی اسی طرح عوام کے کام کرتا رہوں گا۔ تجاوزات کے خاتمے کے لیے ڈپٹی کمشنر جہلم کو چاہیے کہ وہ اس کے خلاف بھرپور ایکشن لیں اور بالخصوص جو ڈپٹی ٹریفک ہیں کم عمر رکشہ ڈرائیوروں کے خلاف ایکشن لیں۔
