جہلم شہر اور ملحقہ آبادیوں میں گیس کی بدترین لوڈ شیڈنگ سے گھریلو امور بری طرح ہو رہے ہیں۔ مہنگائی کے مارے عوام کھانا ہوٹل سے خریدنے پر مجبور ہیں جبکہ خواتین سراپا احتجاج ہیں۔
تفصیلات کے مطابق جہلم شہر اور ملحقہ آبادیوں کے صارفین کو پچھلے کئی ماہ سے گھریلو صارفین کو سوئی کیس میسر نہیں جس کی وجہ سے گھریلو صارفین سخت اذیت میں مبتلا ہیں۔ گھر یلو صارفین کے چولہے مکمل طور پر بجھ چکے ہیں، ہانڈی روٹی اور امور خانہ داری کی تیاری میں بھی خواتین کو سخت مشکلات کاسامنا ہے۔
جہلم شہرسمیت ملحقہ آبادیوں میں سوئی گیس کی بدترین لوڈ شیڈنگ کا سلسلہ جاری ہے۔ شہریوں کو کھانے کے اوقات میں گیس میسر نہیں ہوتی گھریلو صارفین اس صورتحال سے سخت پریشان ہیں جبکہ تندوروں اور ہوٹل مالکان موجیں کررہے ہیں۔
شہریوں کاکہنا ہے کہ ہوٹلوں سے سالن اور تندروں سے روٹیاں خریدنے سے ہمارا بجٹ بری طرح متاثر ہورہا ہے۔
شہریوں نے وزیراعظم پاکستان سےمطالبہ کیا ہے کہ سوئی گیس پر یشر کو بڑھایا جائے اور صبح ناشتے دوپہرکھانے اور رات کو کھانا تیار کرنے کے اوقات میں تین تین گھنٹے سوئی گیس مہیا کی جائے تاکہ خواتین ہانڈی روٹی کے امورباسانی چلا سکیں۔
