پنڈدادنخان کےنواحی علاقے کا رہائشی نوجوان جھنگ میں ٹریفک حادثے میں جاں بحق ہو گیا۔
تفصیلات کے مطابق ضلع جھنگ میں پیش آنے والے ایک افسوسناک ٹریفک حادثے میں ضلع جہلم کی تحصیل پنڈدادنخان کے گاؤں پنڈی سید پور کا رہائشی نوجوان حافظ حماد الحس جاں بحق ہو گیا۔
جاں بحق ہونے والا نوجوان باقر قادری بھٹی اتراء کا بڑا بیٹا تھا اور جھنگ میں درسِ قرآن کے طالب علم تھے جہاں وہ قرآن مجید کی تعلیم حاصل کر رہے تھے۔ حادثہ اس وقت پیش آیا جب وہ سڑک پر جا رہے تھے کہ اچانک ایک مسافر بس سے ٹکرا گئے جس کے نتیجے میں وہ موقع پر ہی جاں بحق ہو گئے۔
مرحوم کی میت آبائی گاؤں پنڈی سید پور منتقل کر دی گئی جہاں ان کی نماز جنازہ گزشتہ رات نماز عشاء کے بعد مشرقی قبرستان میں ادا کی گئی۔ نماز جنازہ میں علاقے کے مکینوں، عزیز و اقارب اور دیگر افراد کی بڑی تعداد نے شرکت کی۔
مرحوم کے انتقال پر اہل علاقہ نے گہرے دکھ اور افسوس کا اظہار کرتے ہوئے ان کے درجات کی بلندی اور لواحقین کے لیے صبر جمیل کی دعا کی۔
