جہلم: حکومت پنجاب کا عوام دوست فیصلہ، روٹی کی قیمت 16 روپے مقرر کر دی گئی۔ شہری، سماجی و مزدور تنظیموں کے عمائدین کا وزیر اعلی پنجاب کوخراج تحسین، گندم کے سرکاری نرخ مقرر ہونے کے بعد روٹی اور نان کی قیمتوں میں غیر معمولی کمی ہو گی۔ شہریوں نےحکومت پنجاب کے اقدام کو سراہتے ہوئے وفاقی حکومت سےبجلی اور گیس کی قیمتوں میں کمی کامطالبہ کردیا۔
تفصیلات کے مطابق وزیر اعلی پنجاب مریم نواز شریف نے پنجاب کی عوام کے مسائل کو بھانپتے ھوئے جہلم سمیت پنجاب بھر میں روٹی اور نان کے نئے ریٹ مقرر کر کے فوری لاگو کردیے 100 گرام روٹی کی قیمت 15 روپے جبکہ 120 گرام نان کی قیمت 20 روپے مقرر کردی گئی۔
اضافی نرخ وصول کرنے والے نان بائیوں کے خلاف انتہائی سخت کارروائیاں کی جائیں گی جس میں نہ صرف ہزاروں روپے جرمانہ ہوگا بلکہ فوجداری مقدمات بھی درج کیے جائیں گے۔ زائد قیمت یا کم وزن روٹی فروخت کرنے والے تندور مالکان کو پابند سلاسل کیا جائے گا۔
اس سلسلے میں حکومت پنجاب کی جانب سے تمام اضلاع کے ڈپٹی کمشنرزکو تحریری احکامات جاری کردیے گئے ہیں تاہم جہلم سمیت پنجاب بھر کے ڈپٹی کمشنرز نے وزیراعلی پنجاب کی ہدایت پر عملدرآمد کرتے ہوئے روٹی کی قیمت 15روپے اور نان کی قیمت 20روپے مقرر کردی ہے جس پر عملدرآمد بھی شروع ہوگیا ہے۔
