جہلم میں 18 سالہ لڑکے کو اجتماعی جنسی زیادتی کا نشانہ بنانے والے 2 ملزمان کو گرفتار کر لیا گیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایت پر ایس ایچ او تھانہ سٹی اور ٹیم نے بروقت کارروائی کرتے ہوئے 18 سالہ لڑکے کے ساتھ اجتماعی بدفعلی کے مقدمہ میں ملوث دو ملزمان کو چند گھنٹوں میں گرفتار کر لیا۔
پولیس کے مطابق گرفتار ملزمان کے خلاف تھانہ سٹی میں مقدمہ درج کر لیا گیا ہے اور انہیں ٹھوس شواہد کے ساتھ چالان کر کے عدالت میں پیش کیا جائے گا تاکہ قرار واقعی سزا دلوائی جا سکے۔
ڈی پی او جہلم طارق عزیز سندھو نے کہا کہ سنگین نوعیت کے مقدمات میں ملوث ملزمان کسی رعایت کے مستحق نہیں۔ عورتوں اور بچوں کے ساتھ زیادتی جیسے سنگین جرائم پر زیرو ٹالرنس پالیسی پر سختی سے عمل کیا جا رہا ہے۔
