جہلم: پولیس نے اہم کارروائی کرتے ہوئے قتل کے مقدمہ میں مطلوب اشتہاری مجرم کو فرار ہونے میں مدد دینے والے دو ملزمان کو گرفتار کر لیا۔
ترجمان جہلم پولیس کے مطابق ملزمان نے سال 2025 سے قتل کے مقدمہ میں مطلوب ایک اشتہاری مجرم کو پناہ اور فرار میں مدد فراہم کی۔ ایس ایچ او تھانہ سول لائنز اور ان کی ٹیم نے کارروائی کرتے ہوئے دونوں ملزمان کے خلاف مقدمہ درج کر کے انہیں گرفتار کر لیا۔
پولیس حکام کے مطابق ملزمان سے مزید تفتیش جاری ہے جبکہ اشتہاری مجرم کی گرفتاری کیلئے بھی کارروائیاں تیز کر دی گئی ہیں۔
ڈی پی او جہلم شفیق احمد چوہدری کا کہنا ہے کہ جرائم پیشہ عناصر اور ان کے سہولت کاروں کے خلاف آپریشن میں مزید تیزی لائی جائے گی اور قانون شکن عناصر کے ساتھ آہنی ہاتھوں سے نمٹا جائے گا۔
