جہلم: ریسکیو 1122 جہلم کی جانب سے ضلع بھر میں ریڈ الرٹ جاری کر دیا گیا ہے۔
ڈسٹرکٹ ایمرجنسی آفیسر انجینئر سعید احمد کے مطابق کسی بھی ممکنہ ہنگامی صورتحال سے نمٹنے کے لیے ریسکیو اہلکار مکمل طور پر تیار ہیں۔
ریسکیو 1122 حکام کے مطابق ضلع جہلم میں تمام ریسکیو اہلکاروں کی چھٹیاں منسوخ کر دی گئی ہیں اور تمام تر وسائل کو متحرک کر دیا گیا ہے تاکہ کسی بھی ناگہانی صورتحال میں فوری اور مؤثر ریسپانس فراہم کیا جا سکے۔
مزید برآں، ریسکیو کنٹرول روم 24 گھنٹے سات دن کی بنیاد پر صورتِ حال کی نگرانی کر رہا ہے اور کسی بھی ایمرجنسی کی اطلاع پر فوری کارروائی کی جائے گی۔
ریسکیو حکام نے شہریوں سے اپیل کی ہے کہ کسی بھی ہنگامی صورتِ حال میں فوری طور پر 1122 پر رابطہ کریں اور افواہوں سے گریز کرتے ہوئے انتظامیہ کے ساتھ تعاون کریں۔
