جہلم: ضلع جہلم میں میٹرک کے سالانہ امتحانات جاری ہیں۔ نقل کی روک تھام کیلئے سخت انتظامات کئے گئے ہیں۔
چیئرمین راولپنڈی بورڈ محمد عدنان خان اور کنٹرولر امتحانات ساجد محمود فاروقی کی طرف سے قائم کردہ ڈسٹرکٹ ویجیلنس کمیٹی ضلع جہلم کے فوکل پرسن چوہدری آصف علی خان کے زیر نگرانی ضلع جہلم میں گزشت سالوں کی نسبت امتحان کا انعقاد زیادہ موثر اور بہترین طریقے سے کیا۔
سوشل میڈیا پر پھیلایا جانے والا پروپیگنڈا بالکل جھوٹ پر مبنی اور بے بنیاد ہے۔ ضلع جہلم کے تمام امتحانی سینٹرز پر تعینات تمام امتحانی عملہ اپنی ڈیوٹی پوری دیانت داری اور احسن طریقے سے سر انجام دے رہا ہے جبکہ بورڈز کاعملہ اور متعلقہ تحصیلوں میں لگائے گئے انسپکٹر کے بھی امتحانی سنٹروں کےدورے جاری ہیں۔ تاحال کسی قسم کی نقل کی کوئی شکایت موصول نہیں ہوئی اور نہ ہی کسی طلبہ و طالبات سے کو نقل کرتے پکڑاگیا۔
گزشتہ روز بھی سینئر ہیڈ ماسٹر ر راجہ انور کیانی نے امتحانی سنٹر گورنمنٹ ہائی ججیال، گورنمنٹ ہائی سکول مغل آباد اور گورنمنٹ ہائی سکول بڑاگواہ تحصیل سوہاوہ میں چیکنگ کی۔ پرامن طریقے سے میٹرک کے پیپر لئے جارہے ہیں۔ سنٹروں کے اردگر دفعہ 144نافذ ہے کسی غیرمتعلقہ افراد کا امتحانی سنٹر میں داخلہ بندہے۔
