الحاج نمبردار کیپٹن غلام جیلانی (مرحوم) کی پہلی برسی پرقرآن خوانی و دعائے مغفرت

جہلم: ایم ڈی ایس ایل ایس کالج سرفراز ملک کے والد محترم الحاج نمبردار کیپٹن غلام جیلانی (مرحوم) کی پہلی برسی پر ان کے ایصال ثواب کیلئے قرآن خوانی و دعامغفرت کا اہتمام کیاگیا۔

علامہ وحید اعظم مدنی نے اپنی نقابت سے محفل کو چار چاند لگا دیئے۔ محفل کا باقاعدہ آغاز قرآن پاک کی تلاوت سے ہوا جس کی سعادت حافظ امجد گولڑوی نے حاصل کی، حضور ﷺ کی حمد گوئی کا گلدستہ قاری سعد عطاری اور قاری ارسلان عطاری نے پیش کیا، مفتی دانش عطاری المدنی نے خصوصی خطاب کیا۔

سرفراز ملک نے اپنے خطاب میں اپنے والد محترم کی زندگی پرروشنی ڈالی۔ انہوں نے بتایا کہ میرے والد میرے لئے قائداعظم کا درجہ رکھتے تھے، ہمیشہ انہوں نے دوسروں کی مدد کرنے کا درس دیا۔ وہ نائب صدر، ایکس سروس مین ویلفیئر سوسائٹی اور چیئرمین زکوٰۃ کمیٹی رہ کر فلاحی کام کرتے رہے۔

سرفراز ملک نے کہا کہ والد محترم نے 1965 اور 1971کی جنگوں میں بھی حصہ لیا۔ وہ بنگلہ دیش اور بھارت میں 3 سال جنگی قیدی رہے، قید میں انہوں نے قرآن پاک کو ترجمعہ کیساتھ پڑھا اور سیکھا۔ انہیں سعودی عرب کی فوج میں بطور ٹرینر 3 سال خدمات انجام دینے کا بھی موقع ملا۔ پاک فوج میں 34 سال بہترین خد مت پر انہیں تمغہ خدمت سے نوازا گیا۔

انہوں نے کہا کہ میرے والد محترم اپنے علاقہ میں پہلے ماسڑڈگری ہولڈر تھے۔ وہ فارسی، عربی، پشتو، اردو، پنجابی اور انگریزی زبانیں بول سکتا ہے جس نے بھی ان سے مالی مدد مانگی یا ادھار مانگا انہوں نے دے دیا، ان کی بہترین رہنمائی کا ہی نتیجہ ہے کہ میں پاکستان کا IELTS کا ایک لیڈنگ انسٹی ٹیوٹ SLS کالج چلا رہاہوں۔

آخر میں انہوں نے تمام مہمانوں کا شکریہ جو اپنی مصروفیات چھوڑ کر ایصال ثواب کی محفل میں شریک ہوئے۔ چیف ایڈیٹر روزنامہ جذبہ جہلم ڈاکٹر محمد خلیل نے اپنے خوبصورت انداز میں روز قیامت پر نظم پیش کر کے مرحوم کے ساتھ محبت کا اظہار کیا۔

آخرمیں حافظ عبدالباسط نے خوبصورت انداز میں مرحوم کے ایصال ثواب کیلئے دعا کی جس میں معززین علاقہ،بینکرز، سیاستدان، آرمی آفسران اور زندگی کے تما م شعبوں سے تعلق رکھنے والے افراد کی کثیرتعداد سمیت سابق ایم این اے نوابزادہ اقبال مہدی کے صاحبزادے ڈائریکٹر آئیسکو نوابزادہ راجہ طالب مہدی، چیئرمین یونین کونسل نکہ خورد راجہ عمر شاہ زمان، سابق امیدوار ایم این اے ملک شوکت آف النگ، فرینڈز آٹوز کے سی ای او راشد میر،فرسٹ وائس گورنر ڈسٹرکٹ 305این ٹو شکیل سیٹھی، لائن چوہدری بدر، لائن ملک آصف، لائن توقیر اسلم، سینئر صحافی سہیل عزیز، سید منیر شاہ، سید نوید شاہ، نمبردار ملک ارشد، ملک غلام شفاء، صوبیدار ملک غلام ذکریا، ملک غلام مرتضیٰ، ملک فاروق ارو دیگر نے شرکت کی۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button