مانچسٹر میں شاہد آفریدی فاؤنڈیشن کے زیر اہتمام کانفرنس کا انعقاد، کمیونٹی کی بھرپور شرکت

مانچسٹر کے ایک مقامی ہال میں شاہد آفریدی فائونڈیشن کے زیر اہتمام ایک عظیم الشان کانفرنس ریمٹ چورکس کے تعاون سے منعقدہوئی جس میں کرکٹ کی دنیا کے بے تاج بادشاہ شاہد آفریدی،سکواکش کے عالمی شہرت یافتہ جہانگیر خان، بھارت کے اظہر الدین اور بنگلہ دیش سے عمران الدین خصوصی طو رپر شریک ہوئے۔

تقریب میں ہر شعبہ زندگی سے تعلق رکھنے والے سماجی، سیاسی ، مذہبی اور سماجی رہنمائوں کے علاوہ کمیونٹی کی بھاری تعداد نے شرکت کی۔تقریب میں کھیل سے وابستہ متعدد اشیاء کی نیلامی کی گئی جبکہ حاضرین نے شاہد آفریدی فائونڈیشن کو دل کھول کر عطیات دئیے۔

تقریب کے شرکاء نے شاہد آفریدی کی سماجی ، خدمات کو زبردست خراج تحسین پیش کیا اورکہا کہ شاہد آفریدی ملک کے دور افتادہ علاقوں میں مستحق افراد کی بھر پور خدمت کر رہے ہیں ۔یہی وجہ ہے کہ شاہد آفریدی کا دامن ماضی، حال اور مستقبل بھی دروغ گوئی اورمنافت سے پاک ہے۔

کرکٹر شاہد آفریدی نے شرکاء تقریب کو یقین دلایا کہ وہ پاکستان میں مستحق افراد کی مدد کا سلسلہ جاری رکھیں گے۔ اوورسیز پاکستانی ان کی فائونڈیشن سے جس طرح تعاون کر رہے ہیں وہ ان کے مشکو رہیں بھارت کے اظہر الدین، جہانگیر خان اور بنگلہ دیش کے عمران الدین نے شاہد آفریدی کو سماجی رہنمائوں کیلئے ایک درخشندہ مثال قرار دیا ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button