جہلم شہر سمیت ضلع بھر میں بھینسوں کا دودھ بڑھانے کیلئے انجکشن کا استعمال جاری، حکومت نے بھینسوں کا دودھ بڑھانے کیلئے انجکشن لگانے پر پابندی عائد کررکھی ہے، اس کے باوجود انجکشن کا استعمال اور فروخت دھڑلے سے جاری ہے۔
تفصیلات کے مطابق حکومت کی جانب سے دودھ بڑھانے کے انجکشن کے استعمال پرپابندی عائد ہونے کے باوجود شہر سمیت ضلع بھرمیں گوالے محکمہ لائیوسٹاک کی ملی بھگت کی وجہ سے بھینسوں کا دودھ بڑھانے کیلئے سر عام انجکشن لگا رہے ہیں۔
انجکشن لگے دودھ کے استعمال سے بچے ، بوڑھے و نوجوان نسل مختلف بیماریوں میں مبتلا ہو رہے ہیں۔ گوالوں نے حکومتی پابندی کو ہوا میں اڑا تے ہوئے سر عام بھینسوں کا دودھ بڑھانے کیلئے انجکشن کا استعمال شروع کررکھا ہے۔
شہریوں نے تشویش کا اظہار کرتے ہوئے ڈپٹی کمشنر، ایڈوائزر محتسب اعلیٰ پنجاب جہلم سمیت سیکرٹری محکمہ لائیو سٹاک سے نوٹس لینے کا مطالبہ کیاہے۔
